China Conference: Central Asia 2026
2026 жылғы 7 қыркүйекте Астанада “Астана” халықаралық қаржы орталығымен (АХҚО) бірлесіп South China Morning Post (SCMP) ұйымдастырған China Conference: Central Asia 2026 Халықаралық конференциясы өтеді. Қазақстан тау-кен палатасының президенті конференцияға спикер ретінде қатысады.
China Conference: Central Asia алғаш рет Орталық Азияда тікелей өтеді және мемлекеттік органдардың өкілдерін, халықаралық және қытайлық инвесторларды, компания басшылары мен сарапшыларды қытайлық инвестициялардың, сауданың және аймақтың дамуындағы экономикалық ынтымақтастықтың рөлін талқылау үшін жинайды. Конференцияның негізгі тақырыптық бағыттары макроэкономика және дипломатия, тау-кен өндіру саласы және минералдық ресурстар, қаржылық қызметтер және капитал тарту, сондай-ақ инфрақұрылым және көлік байланысы болады.
Бағдарламаның негізгі тақырыптарының бірі Орталық Азияның қазіргі заманғы және инвестициялық тартымды тау-кен өндіру саласын дамыту болады.
Қазақстан тау-кен палатасының президенті 7 қыркүйекте «The New Minerals Race – How is Central Asia Building a Modern, Investable Mining Industry?» («Минералды ресурстарға арналған жаңа жарыс: Орталық Азия қазіргі заманғы және инвестициялық тартымды тау-кен саласын қалай қалыптастырады?»).
Талқылау ортасында минералды ресурстарға әлемдік сұраныстың артуы, Орталық Азияның инвестициялық әлеуеті және геологиялық барлау мен өндіруге ұзақ мерзімді инвестицияларды тарту үшін қажетті жағдайлар жатыр. Қатысушылар өңірдегі елдер өздерінің ресурстық артықшылықтарын жаһандық жеткізу тізбегіне интеграциялау және бәсекеге қабілетті заманауи тау-кен өнеркәсібін дамыту үшін қалай пайдалана алатынын талқылайды.
China Conference: Central Asia-ны өткізу аймақтың Қытаймен экономикалық қатынастардағы және жаһандық инвестициялық процестердегі өсіп келе жатқан рөлін көрсетеді. Конференция мемлекет, инвесторлар мен бизнес арасындағы тікелей диалогқа, сондай-ақ жаңа трансшекаралық әріптестіктерді қалыптастыруға арналған алаңға айналады.
Бағдарлама, қатысушылар туралы толығырақ және тіркеуге сілтеме – China Conference: Central Asia 2026 ресми сайтында: https://chinaconferencecentralasia.com/agenda.