Қазақстан тау-кен палатасының президенті ӨСАБ мүдделі тараптарының ұлттық кеңесінің құрамына енді

Қазақстан тау-кен палатасының президенті Руслан Баймишев Қазақстан Республикасының Өндіруші салалардың ашықтығы бастамасы (ӨСАБ) мүдделі тараптарының ұлттық кеңесінің (МТҰК) құрамына өндіруші компаниялардың өкілі ретінде енді.

МТҰК мемлекет, өндіруші компаниялар және азаматтық қоғам өкілдерін біріктіреді және Қазақстанның табиғи ресурстарын ашық әрі жауапты басқару мәселелері бойынша көпжақты диалог жүргізудің негізгі алаңы болып табылады.

Жаһандық белгісіздік жағдайында ашықтық, бизнес жүргізу шарттарының болжамдылығы және жоғары халықаралық стандарттарды сақтау ерекше маңызға ие болуда. Бұл қағидаттар мемлекет, инвесторлар және қоғам арасындағы сенімді нығайтуға, инвестициялық тәуекелдерді азайтуға және Қазақстанның ұзақ мерзімді инвестициялар үшін тартымдылығын арттыруға ықпал етеді.

Қазақстан тау-кен палатасы ашықтық пен бизнесті жауапты жүргізудің халықаралық стандарттарын енгізу және ілгерілету бағытында жүйелі түрде жұмыс жүргізіп келеді. Палата президентінің МТҰК жұмысына қатысуы көпжақты диалог аясында тау-кен өндіруші компаниялардың мүдделерін білдіруді күшейтуге және Қазақстанда ӨСАБ қағидаттарын іс жүзінде іске асыруға ықпал етеді.

Палата үшін ӨСАБ-ға қатысу инвестициялық ахуалды жақсарту, халықаралық ынтымақтастықты нығайту және Қазақстанның тау-кен өндіру саласын жер қойнауын жауапты пайдалануға бағытталған жаһандық бастамаларға интеграциялау жөніндегі жұмыстың маңызды бөлігі болып табылады.